RSS

أهلا و سهلا فيكم في مدونتنا اللي حتكون زي دفتر يومياتنا ... إحنا و بس طبعا .. أنا سيمو و أمولي و أيووش و إيموز و شوشو و ضوضو و ندوش و هيفو و أراوي و سمووور.... بتمنى تستمتعوا معنا و تقضوا أحلى الأوقات

مرت سنتين... و ضلينا احنا زي ما احنا



اللي بفتح المدونة رح يفكر انه علاقتنا
 انتهت بعد ما انتهى من حياتنا 
اشي اسمه مدرسة...



انتهت المدرسة و كلنا وقفنا قدام مفترق كبير ما بنعرف نهايته 
و قد ما كان المفترق طوييييل و مليان مخاطر و تحديات... كل وحدة فينا قررت
تعبره... و كل وحدة فينا  بتعيش حاليا قصة... يمكن مش كلنا بنعرفها عن بعض
و يمكن احنا عارفينها فعلا ... بس مش عارفين احساس بطلة هالقصة
لاننا بكل بساطة... مش موجودين فيها 

الحلو بالموضوع.... انه صح انا في طريق و ترتيل بطريق
و هيفا بطريق تاني خالص و شهد و  ضحى و اية و ندى و سمر و امل و وو

و مع ذلك... بنلاقي انه كل هالطرق اللي فرقتنا جمعتنا تاني 
و بنتلاقى.. زي ما كنا ايام زممان...

فينا نحكي انه صداقتنا هاي... زي الاستراحة بطريق السفر الطويييل
بترد الروح و بتخليك مبسوط... و بتنسيك حالك و دنياك 


====================================

 الصداقة ليست في عدد الأصدقاء المُتواجدين في قائمة قلبّك , ولا في الأشخاص
 الذين يجب أن تحبهم !الصداقة هي أن تذهب وتعود وتجد لنفسك مكانًا بينهم ..
 أن تظل العهود معقودة بأطراف أمنيات اللقاء ..
الأصدقاء لا يتوادعون ربما يغيبون ولكن دومًا دومًا يتعاهدون
 على اللقاء صدفةً كانذاك أو قدرًا . 









  • Digg
  • Del.icio.us
  • StumbleUpon
  • Reddit
  • RSS

بكرة آخر يوم.... في المدرسة





السلام عليكم و رحمة و بركاته...........كيفكم و شو اخباركم؟؟؟؟
عنجد ميتة من النعس 
و مع  ذلك قررت اكتبلي كمن كلمة بمناسبة هذا الحدث التاريخي
طبعا  هو حدث كتير كبير في حياة كل انسان طبيعي على وجه الكرة الأرضية



بكرة ان شاء الله تعالى رح يكون اخر امتحان توجيهي نحله.. 
و آخر يوم بالمدرسة




 و بعدها اجازة ....و رح نبلش بحياة مختلفة تماما
عن الحياة اللي كنا نعيشها قبل..... مكان تاني... جو مختلف و ناس جداد... 
بس عنجد راح اشتاق لهديك الأيام....








و حابة اعترف بشغلة... انه  انا كتيييييييييييييييير انبسطت هاي السنة
و كانت من احلى سنوات حياتي....و كانت المدرسة بالنسبة إلي هاي السنة
روووووووووووووووووووووووووووووووووووعة




ان شاء الله يا رب بكرة يكون حلوووو
يا رب بكرة يكووون حلووو كتييييييييييييييييييييييييير




و كمان قبل ما انسى..... بكرة آخر يوم مدرسة و بنفس الوقت.. عيد ميلادي
صدفة حلوة كتير... =)


عشان هيك... يوم ميلادي رح يكون حدث
 تاريخي في حياة كل طالبة 12 علمي في الامارات
احم احم..... لا يكون كبر راسي.....معلش آسفة 




خلص انا رايحة.... تصبحوووا على خير يا حلوين
معكم.... سيمو


26-6-2012 <<< خلصت كتابة هالموضوع بأول دقيقة من هالتاريخ
يلا باركولي صار عمري 18



  • Digg
  • Del.icio.us
  • StumbleUpon
  • Reddit
  • RSS

ترقبوا


ترقبوا الأحداث اللي صارت هاي السنة 2011 - 2012
في آخر سنة لنا في المدرسة...

من ضمنها حفلة التخرج 


  • Digg
  • Del.icio.us
  • StumbleUpon
  • Reddit
  • RSS

رحلة الى البقالة

السلام عليكم و رحمة الله و بركاته

كيفكم مرة تانية?,,,,,عرفتوا عن شو كان مشروعنا و لا لسه?? خخخخ



طيب رح نحكي عنه بالتفصيل قريبا, المووهم مش هاد هو  موضوعنا!!


اليوم يا جماعة الخيييير كان كتييير حلووو زي كل يوم طبعا, صح انو مضغوطين بس بنفس الوقت مبسوطين و بنشكر الله و الحمدلله



درسنا و امتحنا دين و لعبنا و تمشينا و عملنا مشروع الكيميا و كان ممتع بس كنا معصبين لانه بدنا نخلص منه بسرعة و المكان كان زحمة بس استمتعت شوي بوجه عصبي, حلو انك تستخدمي هالشغلات دورق و اجهزة و خلط مواد بحس حالي دكستر!!


يلا قريبا ان شالله تعالى رح نحطلكم الصور, كان مشروعنا بعنوان استقصاء المواد الملائمة لحموضة المعدة بعدين حنخوض فالتفاصيل,,,


الموووهمززز اكييد بتتسائلوا عن رحلة البقالة صح? يلا رح احكيلكم عنها


ركبنا الباص و كنا مخططين لهاليوم مزبوط - الحين دندن و ايوش رح يضربونا لانهم بباص تاني خخخ- و كالعادة احنا بنكون مفعصين وراا باخر كرسي بالباص, و ببلش الهبل و التحشيش تبعنا,


و تصورنا و ضحكنا و تفرجنا فيديو كوري بجنننننننن طبعا كنا مخالفين لدرجة فظيعة لقوانين المدرسة, بس عنجد الواحد بطر يكسرها لحتى يكسر الروتين و الملل و احنا باخر سنة و لازم نصور كل اشي لحتى نضل نتزكر هديك الايام الحلوة, بس ان شا الله هاي حتكون اخر مرة, رح نخالف بالمناسبات بس!!!!! زي اخر يوم, لما نروح لرحلة, نعمل حفلة الخ,,,,,


نرجع لموضؤغنا مش عارفة ليش كل شوي بطلع منه!!!!



طيب  احلى اشي اليووم انه


حكينا لراعي الباص ينزلنا عند الدكانة القريبة من بيت شوشو و اشترينا من هناك ايس كريم و شوكولاطات و شبسات و شغلات زاكية بسرعة البررررق


و كان في مرة- امراة - ضحكتنا لما حكتلنا ' شو مافي مقصف عندكو بالمدرسة??' مس عارفة شو دخل امها بالموضوع ههه!! بس ايش,,, كان شكلنا بضحك,, دخلنا و طلعنا بسررررررررعةو احنا جماعة كبيرة!! و بعدين ركبنا و بلشنا اكل و كنا كتييييير مبسوطين و الحمدلله,,,كانت حفلة مرتبة!!


و ايموز صورت كمن ضورة و ان شا الله بنزلها قريبا


اكتشفت اليوم انه عيشتي بدون صحباتي عنجد مالها طعمة


بمزح مش اليوم اكتشفت هالاشي و الله من زمااااااااااااان


الله يخلينا لبعض

عنجد مش عارفة كيف رح نتفرق,, اشي بحزززن



يلا ان شا الله الايام الجاية احلى و احلى


تحياتي للجميع و تصبحووووا على خييير


Published with Blogger-droid v2.0.4

  • Digg
  • Del.icio.us
  • StumbleUpon
  • Reddit
  • RSS

إعادة تدوير مشروع الجيولوجيا!!



السلام عليكم و رحمة الله و بركاته....


بصرااااحة.... هالاسبووووع كان من أصعب أسابيع هالفصل و كان جدا جدا جدا حافل و مليان شغلات كتيرة ع الآخر!! و لسه هاد و لا إشي... بما انه هالفصل قصير كتيييير و كمية المادة اللي بناخدها كبيرة.. و فوق هيك علينا تسليم المشاريع و التقارير و الأبحاث... و معها لازم نراجع دروسنا أول بأول و نحل الواجبات و كماااااااان ندرس لامتحانات التقويم......
عنجد كنا كتير كتير مضغوووطين.... الله المستعان


خلال هالاسبوع... امتحنا فيزيا و كيميا و جيولوجيا و رياضيات ( يوم الخميس اللي فات ) و دين و انجليزي....و الحمدلله
في منهم الصعب و السهل.... و انا حاطة قرار بنفسي... انه احسنلي ما اراجع اجاباتي بعد الامتحان لحتى ما أتنكد..لأنه هيك هيك رح أعرف درجتي و أعرف اخطائي و أتعلم منها...


الحلوووو بهداك الأسبوع ....مشروع الجيولوجيا...
رحنا لبيت ايموز عشان نعمل المشروع... و للأسف كالعادة أنا اتأخرت عليهم و ضيعنا وقتنا بالضحك و اللعب 
و هالحوار بلخص اللي صار معنا .... ( كنا سيمو - ايموز - هيفو - روابي )






طيب......... و النتييييجة... المشروع طلع بهادا الشكل






و صرنا نضضضضضضضضحك ع الهبل اللي عملناه!!! عنجد ضيعنا وقتنا على اشي....
طيييب.... اممممممممممم.... بدي منكم... اللي فاهمة شو هو المشروع تحكيلنا و رح أعطيها أكبر جااااااااائزة
أتحدااااكم .... يلا ... نشوووف ...




و بلشنا نحكي عنه ع الفييييس.......






و بالنهاية قررنا نعيده و ظلع شكله رهيييييييييييب و حلووو كتير ان شاء الله رح نفرجيلكم اياه الاسبوع القادم.....


سؤالنا : شو هو المشروووع؟؟؟؟ بدنا توقعاتكم....


ترقبوووووووووووا شكل المشروع النهائي بعد اعادة تدويره
تحياتي لكم.... سيمو


2-2-2012

  • Digg
  • Del.icio.us
  • StumbleUpon
  • Reddit
  • RSS

شوية صور من حفلة دندن




ميييين بدوووو شبببس؟؟؟؟؟ يلا اتفضلووووا


ايييش هااااد!!!!! مخاااااااالفييين !!! ايمووووز متى صووووورتي هالصصووورة؟؟؟؟ سؤال بحيرنيهون كنت بحاول أسككككر الموبايل.....




طبعا كل هالصور من تصوير ايمووووز.... و شككككرااا

تابعوا جديدنا

  • Digg
  • Del.icio.us
  • StumbleUpon
  • Reddit
  • RSS

حفلة دندن : اليوم كان روعة بمعنى الكلمة

مرحبا مرة تانية


بتعرفوووا اليوم عنجدكان  يوووم مميز و حلوووو كتييير!!


طبعا احنا مخططين لهاليوم من زمان _احنا يعني انا و صحباتي _ قررنا اليوم نعمل حفلة ندوووش اصغر وحدة بالشلة فجبنا الاغراض و خبيناها في صف من الصفوف, و كمان انا و ايموز جبنا موبايلاتنا!!! عشان نصور الحفلة و انا من زكائي حذفت الفيديو بالغلط عنجد اشي بقهر, و لكوووو رح اعيططط =’((


المهم جابتلنا الست شوشو مفتاح صف من الصفوف المغلقة و حضرنا الاكل و اتخبينا ورا الباب لحتى نفاجئ دندن


و دخلت ندووش ( دندن ن و بلشنا نغنيلها و نباركلها و بلشت حفلتنا„


كنا كتيييير مبسوطات و الاكل كان كتيييير طيب و زاكي و اجواءنا كانت جدا رائعة


بس بتعرفوا دندن توقعت هالاشي من تحركاتنا الغريبة و المثيرة للشكوك بس اهم شي انها انبسسسطت


يلا ان شا الله التحضيرات الجاية تكون احسن =)


و رن الجررس بسرررعة فرحنا الصف و بلشنا ندرس كالمعتاد


طبعا الحفلة كانت بالفسحة, و كملنا حفلتنا بفسحة الصلاة,


و اييييش كمان صار معنا اليوووم?


امممم اه جددت المدرسة كل الكمبيوترات اللي عنا و جابولنا كمبيوترات بشاشات لمس عنجد كتيييييير حلوووة و استخدامها سهل و حلو


و تعرفنا هلى برنامج Ava editor كتييير حلوو بنقدر نصمم فيه فيديوهات من كل الانواع و ندمج الصور و الاصوات بطريقة احترافية بحتة


طبعا درسنا كل الحصص ماكنش عنا و لا اي حصة فراغ بس عنجد الحصص كانت حلوة و ممتعة بجددد كل الحصص اليوم كانت حلوة و ما مليت ابدا


و اخيييرا قعدة الباص متل ما قلتلكم مافي احلى منها تصورنا و لعبنا و كيفنا و اتفرجنا فيديوهات كتييير حلوة و رح تضل في الذاكرة



رجعت البيت اخييييرا تغدينا و نمتلي شوي و قعدت ع الفيس بوك و حكيت مع توام روحي (ت,ع) و تعشينا و حضرت احلى مسلسل عربي الريان و كمان حصرت ارب ايدل كان روووعة و انا بشجع كارمن و شيرين و شذا الامورة






كان اليوم حلووو و ان شا الله كل الايام زي هيك و يا رب تحلي ايامنا اكتر و اكتر


تصبحوا على خير

كانت معكم سيييمو كالمعتاد



اييييموز : يا ريت تحطي الصور...=))


19-1-2012
Published with Blogger-droid v2.0.3

  • Digg
  • Del.icio.us
  • StumbleUpon
  • Reddit
  • RSS

اول يوم بالفصل الدراسي التاني و اكتشاف المكان السررري


هاد كلام كان مكتوب ع الحيط في مكانا السررري!! اقروا لحتىتعرفوا شو القصة D:


السلام عليكم و رحمة الله و بركاته

كيفكم متابعينا الكرام?

ان شا الله كويسين

امممممم طبعا خلصت اجازتنا و الحمدلله كانت كتييير حلووة و صار فيها شعلات كتييير و انبسطنا و كيفنا



و رجعنا للمدارس و الدراسة و واجبات و مشاريع و تقارير

احلى شي اليوم كان فترة الصبح بس للاسف وقتها ايووش لسه ما اجت,

لقينا مكان سررري روووووعة و قررنا انه نخليه مقرنا و نعمل فيه الحفلات و نستمع هناك, مكان هادي و حلوو و جميل!!

بس ع قولة بعضنا بخووف لانه مهجوور ههه بس عنجد هو مهجور و ما فيله حدا عشان هيك بالنسبالي هو حلووو و بنقدر ناخد راحتنا فيه



تصورنا كمن فيديو و صور كمان و الصورة اللي فوق كان من ضمنهم ههه عنجد هبل  ضحكنا من كل قلبنا,


و اكتشفنا انه هناك بتنرمي كلللل المشاريع!! يا حررررام عنجد تعبنا كله بروووح ع الفاضي, اشي بحزززن =(


اممم و ما درسنا الا احياء


بس بيني و ببنكم ما قدرت اركز بالمررررة كنت مسطلة ع الاااااااااخر لانني ما نمت امبارح و عنجد هالاشي خرب علي, يعني كان المفرووض نستمتع اكتر من هيك! بس اييش نعمل قدر الله. ما شاء فعل,


و نقلت لباص تاني بما انه انتقلنا لبيت تاني, بس رح اشتاق لندووش و ايوووش و قعدة الصبح الهاااااادية


و هاد تقريبا اللي صار معنا اليوم

الحمدلله بداية هالفصل كانت بداية مبشرة و ان شا الله ما بصير الا كل خير



التاريخ 8-1-2012


Published with Blogger-droid v2.0.3

  • Digg
  • Del.icio.us
  • StumbleUpon
  • Reddit
  • RSS

شو مخططة تعلمي بهالإجازة؟؟؟



في اشي عجبني كتييييييير لما قعدنا في هداك الصف.. بآخر يوم بالمدرسة.. قبل امتحان الانجليييزي...طبعا كان يوووووم بجنننننننننننننن....و كنت كتييير مبسوطة =)) المهم
اكتشفت انه ايموز كتبت مخططاتها لهالاجازة..... و انا كمان نفس الاشي.... و ايوووش
طبعا بالصدفة..!!!


بس لهلأ ما عملت اشي من المخططات اللي كتبتها.... و نفسي اعملها.......مش عارفة لييش كسلااانة!!!!!!
ايش رايكم احكيلكم شوية مقتطتفات منها؟؟؟؟


يلا اتفضلوا اعزائي بالقراءة:
1- العب رياضة....لأني من زمااااااااااان ما لعبت رياضة =((



2- احضر افلام كتييييييييييييرة و مسلسلات كورية.. بس مش عارفة ليش مواقع المسلسلات الكورية
مش شغاااالة!!!! اشمعنى وقت ما عطلنا بطلت تشتغل... =((.... خصوصا موقع دراما اون لاين.. عنجد اشي بقهررر


3- حابة اصمم فيديوهات.... ان شاء الله بحاول اصمم ع الأقل 3 و أهم شي .. بدي اعمل فيديو عنا..
و بتزكر اتفقنا انا و ايموز نعمل فيديو دعاية عن المدونة... ان شاء الله رح نعمله خلال الاجازة و نعرضو هووون


4- حابة نؤلف رواية جماعية هووون بالمدونة >>>> بتتزكري هالفكرة ايموز... فكرة الحريق اللي بالمدرسة
لأنه كل شوي كنا بنسمع صوت انذار الحريق.... بصراحة خفت شوي من اول مرة.. بس اكتشفنا انه
كان بسبب البخووور..... يلا ان شاء الله الرواية تنال اعجابكم


5- بدي اعمل كل تقاريري و مشاريعي خلال هالااجازة عشان اتفرغ للدراسة و الامتحانات خلال هالفصل الدراسي التاني
بصراحة...مش عارفة كيف رح نمشي بالمنهج!!! الكمية كتييير كبيرة و الفترة الزمنية كتيييييييير قصيرة..
اللله يكووون بعوننا يا رب


6- نفسي...ارسم


و هاد مقتطف بسيط جدا جدا من الخطط اللي ناوية اعملها... و انتوا ؟؟؟ شو خططتكم؟؟

  • Digg
  • Del.icio.us
  • StumbleUpon
  • Reddit
  • RSS

رجعنااااا

الحمدلله ..واخيراااااااا خلصناااا إمتحانات وخلصنا من وجع الراس ,,بس صرااحة بما إنو توجيهي او ثانوية عامة حســب ما بتحبوو كناا كتيير متوترين حتى أهاليناااا كانوا على أعصابهم ووترناهم معناا ..غيير هيك انو كمان كان أول فصل وما بنعرف كيف بتيجي الإمتحانات الحمدلله بشكل عام الإمتحانات كانت كويسة ,.,.مع إنو كان في موااااد الله يستر منهاا ,..يلاااا انشاء الله الشهادة ترفع الراس !!"
فالحيين عنا عطلة يمكن 3 اسابييع تقريباً وماسدقناا نرجع لمدونتنااا الحبيبة عشااان نرجع نعبيها بالمواضيع الحلوووة والأحلى نشووف تعليقاتكم واقتراحتكم كمااان ..استنوناااا مع أحلى الموااااضيع ,,ونتمنى تنال إعجابكم ,,,,,بانتظار تعليقاتكم ....^,^

  • Digg
  • Del.icio.us
  • StumbleUpon
  • Reddit
  • RSS

الامتحااااااااااانات ع الأبواب........ادعولنا بالتوفيق





الامتحااااااااااانات ع الأبواب........ادعولنا بالتوفيق
بما اني غايبة اليووووم...يا ترى ايش صار بالمدرسة؟؟؟؟ امممم و شو صار مع صحباااتي.....
طبعا تفكروووش اني بلعب..........ٌقاعدة بدرررس....
بس حضرت فلم كوووري انما ايييييه....

للأسف

كان كتير سخييف =( ضيعت
وقتي ع الفاضي...الحلو فيه بس .. انه فرقة سوبر جونير هي اللي مثلته ^_^

نزلت فلم تاني...و ان شاء الله يكون حلووو مش يخيب ظني مرة تانية
طبعا مش ححضروه إلا لما اخلص المادة اللي عندي


الواحد لازم يعطي نفسه استراحة عشان ما يزهق و يتعب نفسيا
بس اهم اشي انه يبذل اقصى جهده

المهم....ادعووووولنا ماشي...


و ترقبوا ...خططنا لاجازة هالفصل.. و ان شاء الله تكون الاجازة حلوة
ع فكرة اتحمست من هاللحظة p: >>> الله يستر بس من الامتحانات


الساعة : 1:19 بي ام
التاريخ: 28-11

  • Digg
  • Del.icio.us
  • StumbleUpon
  • Reddit
  • RSS

كل كهوف الدنيا...تظلم إلا كهف الجمعة فإنها تنير من الجمعة للجمعة..




  • Digg
  • Del.icio.us
  • StumbleUpon
  • Reddit
  • RSS






ﺂللہٌم آسألُگ . . . 
فِيـﮱ [صباح ] هَذﺂ آليُوم " 


أنْ ترِزقَ گِلْ وَآحِ‘ـِدْ مِنآ ، 
. . . . `ضعف مَ يتمنآھہّ . . !!♥({}) 

جمعة مباركة للجميع ....سيمو

  • Digg
  • Del.icio.us
  • StumbleUpon
  • Reddit
  • RSS

كل عام و انتم بخير + آخر أخبار سنة التوجيهي



السلام عليكم و رحمة الله و بركاته...........
كيفكم يا متابعين مدونتنا الكرررام؟؟؟؟؟
ان شاء الله مبسوطييييييييييييييين فهالعيد السعيد.. انا عن نفسي كتييير مبسوطة و الحمدلله....رح نطش و نفرفش و نتسلى




كل عاااااااااااااااااااام و انتوا بألف خييير و عساكم من عوادة
وتقبل الله طاعاتكم.... و حجا مبرورا و سعيا مشكورا للي حجوا.. و الله يرجعكم
لأهاليكم بالسلامة.........


يا الله قديش اشتقت لهالمدونة.....من زمااااااااااااااااان ما كتبت اشي
و طبعا فش غيري بكتب... للأفس
امممممممممم..... ايش رايكم احكيلكم آخر أخبارناايقونات كبيره للمسن ايقونات كبيره


الحين و الحمدلله صرنا بتوجيهي... علمي..

و بصراحة لسه الضغوطات الدراسية ما بلشت.... و مع هييك حاسيييين

بضغط رهيب..مشاريع و امتحانات و خطط ورا بعضايقونات كبيره للمسن ايقونات كبيره... 
بحس انه السنة الماضية كانت أحلى بكتيييير
اممممممممم...بس يلا الله يوفقنا .... آخر سنة و لازم نشد حيلنا فيها أكتر و اكتر
لأنه هي اللي رح تحدد مستقبلنا.. اهم شي لازم نراجع أول بأول......


و كمان أكيد لازم نحاول قد ما نقدرايقونات كبيره للمسن ايقونات كبيره نستمتع و نكيف و نبتسم و نضحك
لأنه....اكيد رح نشتاق لهالأيام........وطبقنا هالحكي بالحفلات اللي عملناهاايقونات كبيره للمسن ايقونات كبيره




اول حفلة لهاي السنة.... كانت حفلة ايمووووزلا...
و الله كانت جد حلووووووووووة كتير...عملتلها سينابووون ^_^ رح افرجيكم صورتوووه





هاد السنابون عملته برمضان...مش نفسه تاع ايموووز....بس شبهه.. كيف عجبكم؟؟؟
يلا ان شاء الله رح اكون في تقدم مستمر.. لأنه برمضان...صرت اعمل انواع مختلفة من الحلويات
بما انه ماما كانت كتير مشغولة..فحبيت الشغلة و صار: صنع الحلويات... من هواياتي..عنجد حبيتايقونات كبيره للمسن ايقونات كبيره


للأسف ما صورنا شي من حفلتها...........عنجد ايموز تأثرت عاطفيا....و انا كمااان
كنا كتيييييييير مبسوطين لأنه الحفلة عجبتها


و الله انها غالية ع قلوبنا و بتستاهل أكتر من هيك.....صح ايموزايقونات كبيره للمسن ايقونات كبيره؟؟


طيب




الحفلة التانية..كانت في الحديقة متل ما حكينالكم....مكان تجمعنا
ايقونات كبيره للمسن ايقونات كبيرهكانت الحفلة كتيييييييييير حلوة....اشترينا وجبات بس تغلبنا شوي بالحسابات و صار فيه لخبطة
و هيك شي.......بس بالأخير انبسطنا و فرحنا ايقونات كبيره للمسن ايقونات كبيره.....طبعا في صور و لا يهمكم....بس مش معي مع شوشو المصورة.






الحفلة الأخيرة و طبعا حنعمل غيرها...كانت يوم الخميس ..كانت للأمورة نونا.....كانت كتيييييييير حلوة
ايقونات كبيره للمسن ايقونات كبيرهاستولينا ع صف من الصفوف و قعدنا نوكل هناك و نحكي و نلعب.......... كانت حفلة
كتييييييير حلوة...صح نونا؟؟؟؟؟





نرجع لوضعنا الحالي:

طبعا.....بالنسبة لبنات الصف هاي السنة...حبابات و أ مورات..و حبيتهم كتيير...
و الأبلوات ماشاء الله عليهم.........كفاءة عالية و أسلوب شرحهمو تعاملهم معنا كتير حلوووو




و بسسسسسس....يلا سلاااااااام
ايقونات كبيره للمسن ايقونات كبيرهلا تنسوا تنبسطووووووا و تكيفوا بهالعييييييييييييد


و كل عام و انتوا بخيييييييييير
تحياتي لكم جمييعا
كنتم مع : سيمو

  • Digg
  • Del.icio.us
  • StumbleUpon
  • Reddit
  • RSS

تابع القصة : لقد تغيرنا حقا




عنوان القصة : لقد تغيرنا حقًا

 
حضنت ايموز طفلها الصغير بحنان.... و لكن ... قطع عليهن رنين جوالها

 ايموز" ألووو..مرحبا"
المتصلة "كيفك يا دبة!!! هيك لا بتسلمي و لا بتحكي؟؟؟"
ايموز "عفوا... من معي؟؟"
المتصلة " هييييه ما بك؟؟؟ ألا تذكرينني ؟؟؟ أنا هيفو!!!"
" ههههه .. اهلا هيفوو... لم أتوقع ان تكوني انتي!!! لقد تغير صوتك!!"


" تغير... اممم... إلى الأسوء؟"
" ههههه.. لا طبعا... إلى الأفضل... الآن يمكنني أن أقول أنك اصبحتي سيدة"
" امممم... و ماذا كنت في الماضي يا آنسة؟؟"
ضحكت ايموز... بدون ان ترد عليها
أما هيفو فقالت لها " ع العمووم .. أريد أن أقابلك في حديقة الراشدية"
" ماذا!!!! هيفووو... لم يعد أحد يذهب هناك.. انها حديقة قديمة الطراز... كما أنها لا تناسب مستواي!!!!"
"يووووه... اسمعي ايموز... قبلتي أم أبيتي... ستأتين!!"
" حسنا كما تريدين.... و لكن متى؟؟"
" غدا عصرا.. لا تتأخري.. طبعا في مكاننا المعتاد... تلك التلة .. في وسط الحديقة "




اغلقت ايموز هاتفها .. و هي مبتسمة ابتسامة من قلبها
لم تكن تعلم .. أنها ستتلقى اتصالا كهذا..بعد هذه المدة الطويلة
و لكنها .. كانت تتساءل..
ما هو سبب هذا اللقاء المفاجئ؟؟
وجهت نظرها نحو شاشة الحاسوب... و كان الفيديو ما زال مفتوحا
- مقطع مسابقة الأسئلة.. التي أعدتها لنا شوشو- و قالت في نفسها "كم أتمنى أن نجتمع مرة أخرى "


في اليوم التالي....
صفّت ايموز سيارتها في إحدى مواقف الحديقة و دخلت إلى هناك..بعد أن أزالت النظارات الشمسية عن عينيها
و لكنها .. فوجئت بأن الحديقة تغيرت كليا.. اصبحت متطورة أكثر
بالإضافة أنها ازدادت جمالا.... و أصبحت حديقة هادئة أيضا!!!!
مع انها في السابق... كانت كسوق الخضار... لا تسمع سوى اصوات متضاربة
قد لا تميز صوتك من بينها..


وقفت ايموز أمام الخريطة الضخمة التي وُضعت أمام البوابة بشكل جميل..
وجهت نظرها .. نحو التلة التي كنا نجتمع فيها..
فأخرجت ورقة صغيرة و كتبت عليها.. " مقر بس إحنا " و هي تبتسم ابتسامة طفولية
كأنها عادت صغيرة من جديد... و بعد ذلك ألصقتها على تلتنا المرسومة على الخريطة...
" هذا مكاننا.. و يجب أن يعرفه الجميع "

تقدمت بخطوات باحثة عن صديقتنا هيفووو.. و لكنها تفاجئت عندما رأت
جماعة من السيدات جالسات مع مجموعة من الأطفال الصغار على تلتنا المعهودة... و بدأن يلوحن لها من بعيد
" ايمووووز !!!!! ايموووووز!!"


فركت ايموز عينيها " يا إلهي ...هل أنا أحلم !!!؟ الشلة كلها هنا!!!"
ركضت بسرعة ممسكة يد ابنها جوود... و قلبها يدق سريعا.. بينما تضحك و بشدة


" لقد تحققت امنيتي .. تحققت امنيتي"


بدأت تسلم عليهن واحدة واحدة بحرارة .. و هي تبكي فرحا و هن يبكين أيضا!!
" اليوم عيد ميلادك يا ايموز!! كل عام و انتي بخير!!"
نظرت إليهن ايموز" يا إلهي... كيف نسيت هذا !!"


بدأن يتسامرن بالحديث و يضحكن من أعماق أعماق قلوبهن..فقد شعرن
في هذه اللحظة.. بأنهن اسعد نساء على وجه الأرض!!

و ها هن يتبادلن المواقف الجميلة التي حدثت سابقا.. و في نفس الوقت
كل واحدة منهن تحكي قصة حياتها الجديدة..


و ها هن  الآن يراقبن أبناءهن و هم يلعبون معا و يبنون جسور من الصداقات
الجديدة!!




ها قد التقينا من جديد.... و لكننا تغيرنا حقا... اصبحنا أكثر نضجا
أصبحنا نفهم معنى الحياة الحقيقي.. تغيرت اهتماماتنا و مظاهرنا... و تصرفاتنا أيضا


و لكن الحب الذي بيننا لم يتغير.. الصداقة التي كانت مغروسة في قلوبنا
لم تتأثر... رغم البعد.. رغم الزمن.. بقينا أصدقاء


و الآن بعد مرور خمسين سنة...
بعد أن شاب شعر ايموز.. و تزوج أبناءها.. و أصبحت جدة
و لها احفاد..
أمسكت قلما و بدأت تسطر حروفا في مذكراتها.. تحت صورة 
التقطت... قبل أكثر من 55 سنة
" كتبت صداقتنا على جدران الزمن
فإن عشنا عشنا معا و إن متنا تقاسمنا الكفن 

لقد جعلتم لحياتي...معنى آخر.. و أتمنى أن نلتقي مرة اخرى.. في العالم الآخر
في جنان الفردوس الأعلى... بإذن الله تعالى"


أتمنى أن القصة قد نالت اعجابكم ..
كانت معكم \ سيمو

  • Digg
  • Del.icio.us
  • StumbleUpon
  • Reddit
  • RSS

لقد تغيرنا حقا - قصة ايموز

مرحبا..... معلش شكلي اتأخرت عليكوووم... يلا بلا هالمقدمات
ححكيلكم القصة على طووول 


=======================

عنوان القصة : لقد تغيرنا حقا


بعد ان سمعت تلك السيدة الجميلة صوت تحطم تلك المزهرية الزجاجية .. اطلقت بصوتها
" جوووووود... متى ستهدأ يا بني؟؟؟" 
فرد عليها سريعا " آسف أمي.." و أخذ الكرة ليلعب بها في مكان آخر
و ربما حتى ذهب ليلعب في المطبخ... فهو ولد مشاغب جدا و تعاني امه منه كثيرا...


بدأت إيموز بجمع الزجاج المكسور و هي تتنهد " يا إلهي.. متى سأنهي عملي... جود 
لا يتركني في حالي أبدا..."


ثم وجهت نحوه نظرة حائرة " متى سيكبر و أراه شابا يافعا....؟"


أخذت نفسا عميقا و أغمضت عينيها " اعتقد انه يجب علي أن أرتاااح.. أنسى مشاغلي كلها لفترة وجيزة.."


كانت ايموز.. جالسة أمام حاسوبها المحمول.. فقطع حبل سرحانها تنبيه يوحي
بوصول رسالة جديدة ..


عنوان الرسالة كان : تعليق جديد على مدونة بس إحنا..


ابتسمت ايموز " ياااااه... لقد مر وقت طويل جدا.. أربعة سنوات بعد التخرج
من الجامعة ليست بالمدة القصيرة.. "


فتحت الرسالة بسرعة و بكل فضول ...
و لكنها.. لم تكن سوى .. تعليق من احدى متابعاتنا الصغيرات قائلة فيها


" أتمنى أن تزوروا مدونتي أنا و صديقاتي.. فقد فعلنا مثلكم تماما
شكرا لإلهامنا هذه الفكرة الجميلة.. أظن أنها ستبقينا معا إلى الأبد"


تبسمت ايموز و هي تقول في نفسها " كان هذا ما توقعته بداية.. و لكنني الآن لا اعرف حتى إذا كانوا يتذكرون اسمي "

بدأت إيموز تقرأ يومياتنا و كتاباتنا هنا في هذه المدونة..
تضحك تارة.. و تدمع عينيها تارة أخرى.. و في كل مرة .. تشعر فيها
بغصة.. بألم في قلبها..


لم تكن تتوقع أن صداقتنا و أيامنا تلك.. ستنتهي لحظة تفرقنا عن بعضنا...بما انه لم يعد يجمعنا
سوى مواقف و ذكريات عشناها معا... و كانت المدرسة هي من تجمعنا فقط..ليس أكثر من ذلك
و أن كل مشاعرنا التي صارحناها لبعضنا.. لم تكن إلا مشاعر طفولية مؤقتة
تنسى مع مرور الأيام...

لقد مرت تلك الأيام سريعا...
حفلة التخرج الأخيرة ... كانت آخر مرة نحتفل فيها
مع اننا كنا نحتفل بكثرة.. 


" أتساءل.. ما هي آخر أخبارهن؟؟ أخبار .. سيمو و شوشو و أيوش
و ندوش و هيفو و ضوضو و أراوي و سموور... و أمولي و بقية صديقاتي "


دخلت ايموز بلوقر بعد غيابها الطويل عنه.. فقد شغلتها دراستها الجامعية و الآن عملها و حياتها الخاصة


بدأت بكتابة موضوع تسأل عن أخبار الشلة و تعاتبهن على غيابهن الطويل بلا سلام و لا كلام..
بعد ذلك... فتحت ألبوم الصور و بدأت تقلب بالصور ...
صورنا في حديقة الراشدية .. في اليوم المفتوح.. جمعاتنا و طلعاتنا..
آخر يوم في آخر سنة في المدرسة.. أيام الامتحانات.. حفلة التخرج الضخمة

جلست تشاهد ذلك الفيديو الذي تم تصويره في الحديقة و أرجلنا مربوطة
نتسابق على الوصول أولا.. الفوز... 


و هي تشاهد صورتها ... و هي تغني فرحة بفوزها مرتدية كعب سيمو العالي
" ههههههه كم كنت فتاة مضحكة... و رائعة أيضا.. فعلا.. اشتقت لعفويتي "


بدأت تذرف عيناها بالدموع.. و لكنها فوجئت بجود طفلها الصغير جالسا بجانبها
" ماذا حدث يا امي ... لماذا تبكين "
تبسمت ايموز " لا شيء بني.. شيء ما خدش عيني... "
ثم قالت في نفسها " و لكنها في الحقيقة خدش قلبي أولا.. حقا.. لقد غيرتنا الأيام "


بدأ جود يؤشر على الشاشة .. " من هؤلاء؟؟"
ضحكت ايموز قائلة " هذه أنا.. و أنا في السادسة عشر من عمري "
فرد عليها ببراءة " تبدين مختلفة تمااااما...!!!"


حضنت ايموز طفلها الصغير بحنان.... و لكن ... قطع عليهن رنين جوالها



يتبع ...
كانت معكم \ سيمو

معلش شوشو... رح أحط تبعتك بس اخلص من القصة
يلا هلأ بدي أسمع آراءكم


  • Digg
  • Del.icio.us
  • StumbleUpon
  • Reddit
  • RSS

تلبية طلبات شوشو العسل

ايقونات كبيره,مجموعة ايقونات كبيره,احلى مجموعةمرحبااااا مرة تانية.... مالك شوش..؟؟ شايفاكي متحمسة ع الآخر..!!!
ههههه طيب... رح ادخل فالموضوع على طووول



واحد::: بدي منك تطلعي صورة هبلة كتير ما ارح اختار انا راح اسيبلك حرية الاختيار وتحطيها في الفيس على اساس انها انتي لمدة 3 ايام ههههههههه


طيب... ايش رايك بهالصووورة هههههه

يا حرااااااااااام... ليش الحلوو بعيط؟؟؟



2-بدي منك يا آنسة سيمو تحطي عشرة مواضيع في ساعة وحدة بس على البيج الي سويتي النا في الفيس (بس احنا)
ها راح انتبه للساعة وبدي اشوف اول وآخر موضوع كم بينهم وقت
ههههههههه مش تحكي مكسلة مالي خص هاد الطلب بس من هون لتلت ايام يعني ازا ما سويتي بعد 3 ايام راح يتقلص الوقت لنصه مالي خص


ايقونات كبيره,مجموعة ايقونات كبيره,احلى مجموعةهههههههه حطيت مش عشرة... يمكن تلاتين موضوع!!!!!!
شوفيهم... اكيد رح يعجبوكي احممم احممم...







3-بدي منك تعملي بوست تكتبي في اي شي خرابيط كلام تخبيص يعني بس يكون مفهوم مسلا انا اسمي اصلنا ..... وعمري15 ورايحة 3 جامعة (بعني ما يكون الكلام راكب على بعض)وبعدين تألف يقصة عنك بس


بالمختصر ست شوشو... بدك اياني اخبص بالحكي هههههه
طيب..... خبصت تخبيص مرتب... يمكن مش حتفهموووا اشي...


طبعا رح احطه بموضوع مستقل


ايقونات كبيره,مجموعة ايقونات كبيره,احلى مجموعةترقبووووا




معكم \ سيييييييييييييمو



  • Digg
  • Del.icio.us
  • StumbleUpon
  • Reddit
  • RSS

تلبية طلبات ايموزلا

ايقونات كبيره,مجموعة ايقونات كبيره,احلى مجموعةصبااااااااااااح \ مسااا الورد و الفل و الياسمين.....كيفكم يا جماعة

اليوووم متل ما وعدتكم... رح انفذ الطلبات....

و نبلش مع طلبات الزنخة.. ايموزلا...


1- رح تغيري اسمك التاني ع الفيسبوك يعني مو سيموو الجزء التاني منو ويصيير ...'' Dwarf'' يعني صار '' Seemo Dwarf'' لمدة 3 أيام !! 

ايقونات كبيره,مجموعة ايقونات كبيره,احلى مجموعةبتعرفي قديش حظي حلووو..... ههههههههههه و الله ما زبط

حاولت كتييير و ما نفع اغير الاسم... يا إما المشكلة من عندي او من عندهم




طيب.... ننتقل للطلب ... اللي بعده... خربت عليكي صح؟ نياهاهاها


2- رح تعملي تاغ لكل اللي عندك ع الفيسبوك على صورة باربي وبتقولي فيها "" يا جماعة انا بحب باربي كتييير """ 




عملت تااااغ... و ضفت الصورة..!!! يا فضيحتك يا سيمووووو!!!ايقونات كبيره,مجموعة ايقونات كبيره,احلى مجموعة
هيك بصيرلك بآخر الزمن !!!!! ههههههههههه ... ماشي ماشي ايموووز

3- بدك تكتبي قصة عني وما تكون اقل من صفحتين يعني اقصى شي 2 .. "" باللغة العربية الفصحى ""

هاي كتبتها بس رح احطها في موضوع مستقل... عشان تحسي بجمااالها...
كنت ناوية اعملها قصة انتقام ههه منك.... بس قلت... خليني اكون طيبة هالمرة...
ايقونات كبيره,مجموعة ايقونات كبيره,احلى مجموعةو اعملها حلوة... لعيونك ايموووز و لعيون كل صحباتي ^_^
ترقبووووووها !!!
 






  • Digg
  • Del.icio.us
  • StumbleUpon
  • Reddit
  • RSS

آخر يووم للزناخة مع سيمو - لعبة الزناخة



صباااااااااااحكم / مساكم شاورما و فلافل و طحينية.....
كييييييييييفكم يا جماعة الخير؟؟؟؟ ان شاء الله كويسين....
و كيف رمضاااااااااان؟؟ حلووو صح... بس قرب يخلص !!!






اممممم..شفتوا الطلبات الزنخة اللي طلبوها كل من إيمووز و شوشو العسل...!!!
زنخااااااااات صح؟؟؟ ..هههههه بس أموورات كمان و بحبهم...


طبعا... انا رح احاول قدر الامكان اعمل هاي الطلبات بس.. رح تكووون لصالحي طبعا
رح انتقم منهم هههههههه...




ايقونات كبيره,مجموعة ايقونات كبيره,احلى مجموعة ما ابردكووووووووووووم يا جماعة !!
انتوا عارفين شو المطلووووب...  يعني دايما بدي أضلني أترجا فيكم؟؟؟
ايمتى رح تطلبوووووا ...العبوا معنا شوي.. 
صارلي كمن اسبوووع و انا بستنى يا متابعينا
و يا بقية الشلة الكرام...


طيب.... معلش....مسامحينكم و هاااي
هاي آخر فرصة إلكم.. اطلبوا 3 طلبات لا غير... 
و اللي مش فاهمين الموضوع.. يكبسوا على هالرابط
هاد أول موضوع عن اللعبة...عشان تفهموا عن ايش احنا بنحكي

http://bs-e7na.blogspot.com/2011/07/blog-post_30.html


طبعا..... بكرة سيتم تلبية الطلبات بإذن الله تعالى

ايقونات كبيره,مجموعة ايقونات كبيره,احلى مجموعةلا تنسوا انه الحين العشر الأواخر من رمضان.. فاستغلوها بالطاعات..
و لا تنسووونا من دعاءكم..

تحياتي للجميع..
معكم / سيموووووووووووايقونات كبيره,مجموعة ايقونات كبيره,احلى مجموعة

  • Digg
  • Del.icio.us
  • StumbleUpon
  • Reddit
  • RSS

احممممممممممممم احمممممممممممممممم شوشو العسل العسل وصلت و ما بدها شي غير انو سيمو القمر تلبي الطلبات :) :)

يلا نشوف اووووووووول طلب
دق
دق
دق
(دقات قلب)
دقق
دقق
دقق
( بدت اتسرع هههههه)
واحد::: بدي منك تطلعي صورة هبلة كتير ما ارح اختار انا راح اسيبلك حرية الاختيار وتحطيها في الفيس على اساس انها انتي لمدة 3 ايام ههههههههه

تانيييييييييييييي طلب
دق
دق
دق
دقق
دقق
دقق
بدي منك يا آنسة سيمو تحطي عشرة مواضيع في ساعة وحدة بس على البيج الي سويتي النا في الفيس (بس احنا)
ها راح انتبه للساعة وبدي اشوف اول وآخر موضوع كم بينهم وقت
ههههههههه مش تحكي مكسلة مالي خص هاد الطلب بس من هون لتلت ايام يعني ازا ما سويتي بعد 3 ايام راح يتقلص الوقت لنصه مالي خص

تااااااااالت طلب
دق
دق
دق
دقق
دقق
دقق
بديييييييييي مننننننننننننننك امممممممممممممممم بفكر استني
دق
دق
دق
دقق
دقق
دقق
بدي منك تعملي بوست تكتبي في اي شي خرابيط كلام تخبيص يعني بس يكون مفهوم مسلا انا اسمي اصلنا ..... وعمري15 ورايحة 3 جامعة (بعني ما يكون الكلام راكب على بعض)وبعدين تألف يقصة عنك بس

توتة توتة خلصت الحدوتة يلا اشوف

  • Digg
  • Del.icio.us
  • StumbleUpon
  • Reddit
  • RSS

طلبااااااااااتي !!

سيموووو بعرف انو تأخرت عليكييييي بس والله الشغلة بدها تفكيييييييير !!!

هلأ المهم نبلش بالطلبااااات ::1- بدك تكتبي قصة عني وما تكون اقل من صفحتين يعني اقصى شي 2 .. "" باللغة العربية الفصحى ""

2- رح تغيري اسمك التاني ع الفيسبوك يعني مو سيموو الجزء التاني منو ويصيير ...'' Dwarf'' يعني صار '' Seemo Dwarf'' لمدة 3 أيام !! 

3- رح تعملي تاغ لكل اللي عندك ع الفيسبوك على صورة باربي وبتقولي فيها "" يا جماعة انا بحب باربي كتييير """ 


بتمنى تكووون عجبتك الطلبااااات ... ^_^''

  • Digg
  • Del.icio.us
  • StumbleUpon
  • Reddit
  • RSS

لووووووووولووووووولش واخيييييييييييرا


كيفكم كلكم ان شاء الله بخير
خلص نص رمضان وباقي نص لازم تستغلوا كل دقيقة فيه بالخير والطاعات

الحمد الله زبط من جديد اتابع واعلق واكتب و كل شي
صرت افتح من جوجل كروم اح
سن شي
بس ضايل مشكلة انو مو راضي يتحكم صح بالصور يلا اكيد الها حل

سيمو استنيني لازم اعطيكي احلى الطلبات خخخخخخخخخخخخخ استني علي
شوووووووووووووووشوووووووووووووووووو العسل


  • Digg
  • Del.icio.us
  • StumbleUpon
  • Reddit
  • RSS

اليوم عيد ميلاد حبيبة الكل كوكو








مرحباااااااااااااااااا مرة تالتة.... اليوم حكيت كتير صح؟؟؟
بس معلش..... طبعا المدونة من دووووني << ههههههههههههه بلاش احكيها " مداح نفسه يباله رفسة "




المهم... حابة أبارك لحبيبتنا كوكو... الفنانة العسل لدخولها الـ 17 سنة
كل عااااااااااااااااااااام و انت بخييييييييييييير يا حياااتي و ان شاء الله عقبال المليوووووووووون سنة




حابة صير رومانسية شوي و اباركلك بالأشعاااار حياتي كوكو



ودعت بك عام مضى..
واقبلت بك عام جديد..
ياللي حياتي لك رضى..
يالله عسى عامك سعيد..


تمنيت أكون أول من يهنيك
وأكون فهاليوم منك قريب بس شاءت
الأقدار  و كل واحد منا فطريق
مدري من السبب أنا ولاّ إنت بس اللي أعرفه
كل واحد منا عن الثاني بعيد
حبيبي أنا ما نسيت وبهاليوم الشمع ضويت 
ولما جا الوقت طيفك هنيت
كل عام وانت بخيرترى والله لك حنيت
الله يحفظك ياأغلى من حبيت







ملاحظة : كوكو مش حتقدر ترد علينا لأسباب خاصة انا بعرفها.....
بس.... انا حاولت اتصل عليها و ابعتلها مسج.. بس شكلها مسافرة 
فما وصلها إشي... للأفس^_^


عشان هييييك... رح أباركلها من هيييين




تحياتي إلك و بتمنالك السعادة من أعماق اعماق أعماق قلبي
بحبك كتييييييييييييييييير




كانت معكم \ سيموووووووووو كالمعتاد


15/08/2011



  • Digg
  • Del.icio.us
  • StumbleUpon
  • Reddit
  • RSS