صباح / مساء الورد و الفل و الياسمين ..كيفكم؟؟
حبيت أحطلكم شوي من اليوميات اللي بتعيشها شلة " بس إحنا "
و رح أحكي عن تاني يوم من الفصل التالت الموافق لـ 4-4-2011
بالنسبة لتاني يوم كان أحلي بكتييييييير من أول يوم..
أول ما جينا طبعا بنسلم ع بعض و بنروح للحمام بنزبط حالنا ..
بعيدن بنتمشى و أحيانا بنخض الصالة الرياضية .. قعدنا هناك و حكينا لحد ما رن جرس الطابور.
لو تعرفوا كيف الطابور عنا بالمدرسة .. ساعة و الأبلة بتنادي فالبنات ع المايكروفون !!
زي كأنها بتعزمنا ع الغدا..يلا و يلا و يلا و يلا... لحد ما تمر ربع ساعة تقريبا , بيتجمعوا البنات ..
بس إيش ههههه بسلموا على بعض .. و بحكوا مع بعض قصص و مواضيع... زي كأنه فسحة مش طابور !!
المهم.. ببدا النشيد الوطني.. و يا عيني ع الصوت ههه.. زي كأنه بننشد عند القبووور..
المهم, خلصنا الطابور السريع و رجعنا عالصفوف.. مش اتنين اتنين , عشرة عشرة !!
أحلى حصة كانت حصة الانجليزي , عملنا Role play و مثلنا قدام الأبلة و البنات..
عنجد استمتعت و كيفنا كتير^_^
كنا بنستنى حصة الكمبيوتر بأحر من الجمر لأنه أكيد بأول يوم مش حندرس ,
فبنئدر نفتح اللي بدنا اياه عالنت , لأني كنت حابة أفرجي باقي الشلة كيف يشاركوا في المدونة ...
أحلى شي إنه بحصة الكمبيوتر , الأبلة بتعطينا ورقة عمل و بنحلها و بنشارك ..
بعدين بتحكيلنا نعمل باوربوينت
عشان نعرضه.. و بتروح.. بس بترجع طبعا..
فأنا بعمله عالسريع يعني ثواني و بخلص..
و بعدين بفتح أنا و مجموعتي اللي بدنا اياه.ز منتديات يوتيوب .. الايميل.. إلخ.
و باقي الصف..عم بتناقشوا و بدحّوا .. فبترجع الأبلة و بتلاقينا مخلصن أول ناس ..
فبطحطلنا إحنا الدرجات ههه !! فبنكون لعبنا ... و حصلنا عالدرجات مرة وحدة!!
رح أحكيلكم موقف بضحك صار معنا بحصة الكمبيوتر لما ضاع الباوربوينت
اللي عملناه فكان لازم نعرض قدام الأبلة و البنات !!!! هههه.. قريبا رح أحطه
طيب... شكلي دخلت بمواضيع تانية ههه!! المهم.. رن الجرس و أجى وقت حصة الكمبيوتر
و لكن للأسف... ما دخلناش اللاب (صف الكمبيوتر ) و رجعنا لصفنا =( يا فرحت ما تمت !!
و كمان اتفقنا نعمل حفلة قبل ما ننضغط لأنه الحين إحنا مرتاحين فبنقدر نحتفل بلا مناسبات زي كل مرة ....
And that’s what happened
على فكرة... الحفلة عملناها و كانت بتجنننن ...
كتييير حلوة !!! و هاي الحفلة رقم 23 هههه.. حابين نحطم الرقم القياسي
طيب.... لا تنسوا تعليقاتكم...
0 التعليقات:
إرسال تعليق