RSS

أهلا و سهلا فيكم في مدونتنا اللي حتكون زي دفتر يومياتنا ... إحنا و بس طبعا .. أنا سيمو و أمولي و أيووش و إيموز و شوشو و ضوضو و ندوش و هيفو و أراوي و سمووور.... بتمنى تستمتعوا معنا و تقضوا أحلى الأوقات

ليش بنحتفل كتير؟



مرحبا....كيف الحلوين اللي بتابعونا؟؟؟
صباح\ مساء الورد و الفل و الحفلات!!!..


الصراحة .. من الأشياء اللي بنحبها كتير الحفلات... بنحتفل بلا مناسبات
طيب... أكيد اللي بيقرا الحين..بحكي بمخه.. ايش هالكلام الفاضي؟؟!!
عنجد انكو فاضيات!!


طيب.....حطوا حالكو محلنا شوي...
أول شي إحنا بنات علمي و انتوا عارفين كيف بكونوا!! 
عنجد عايشين بضغط هااائل..و بنمر بمواقف بنحس فيها زي كأنه حاملين هموم الدنيا كلها على اكتافنا.....
يعني لو تشوفوا وقت ما يسلمونا الدرجات, أو بعد الامتحانات .....
كيف المدرسة بتسير...... زي كأنها مستشفى!! ناس بيغمى عليهم و ناس بعيطوا !! صدقوا أو لا تصدقوا!!


طبعا, زي ما حكتلكم ندوووش.... لسه امبارح عاملين الحفلة رقم 24...
 و كانت عنجد حفلة حلوة و بضحك كتير




بس اليوم اللي قبله, يعني أول امبارح...... 
كنت حاسة فيه شوي و رح أنفجر, و كنت مزاجية ع الآخر .... و كان يوم ممل بشكل فظيع جدا
كنا رايحين جايين عشان نعرف ايمتى رح يسلمونا الشهادات, و درسنا المواد العلمية اللي بتجنن اللي عمره ما انجن!


مش عارفة هالإيام بحس انه المعلومات مش راضية تدخل بمخي..... 
و فوق هيك.. واجب الرياضيات اللي حكتلنا الأبلة انه بينحل خلال 20 دقيقة....
اخد معنا ساعتين ع الأقل..!!!!


فقررنا نعمل حفلة..... عشان تفتح نفسيتنا للدراسة, و نفرح و ننبسط
و نجدد الروتين...... و وقتها تحسنت نفسيتنا
و ارتسمت البسمة على شفاهنا



هلأ.....ممكن تحكوا عنا غلطانين؟؟؟؟ أكيد لأ!!!



  • Digg
  • Del.icio.us
  • StumbleUpon
  • Reddit
  • RSS

2 التعليقات:

ĒMǿẐiLLA ŧě يقول...

لاااااااا شو غلطاااانيين ..."
لأنو عنجد بدنا ناخد شوي راحة عشااان مبين الإسبووع الجاي رح يكون بجنننننننن علـــ آخر ..
"" الله يعينا بس "" !!

Maya Rashid يقول...

آه طبعا...... ان شاء الله بصير خير.. شكرا مرتديلا

إرسال تعليق