RSS

أهلا و سهلا فيكم في مدونتنا اللي حتكون زي دفتر يومياتنا ... إحنا و بس طبعا .. أنا سيمو و أمولي و أيووش و إيموز و شوشو و ضوضو و ندوش و هيفو و أراوي و سمووور.... بتمنى تستمتعوا معنا و تقضوا أحلى الأوقات

نصائح دراسية من سيمو



مرحبا مرة تانية.... حبيت أنصحكم شوية نصائح رح تساعدكم بدراستكم - إن شاء الله تعالى -و تحسن من مستواكم و نفسيتكم الدراسية.. خصوصا لو كنتوا داخلين علمي, أو حتى طلاب الجامعات ممكن يستفيدوا منها


هاي خطتي الدراسية السرية بس حكيت لحالي أنشرها عشان تستفيدوا :

1- ادرسي دروسك أول بأول ..عشان اضل المعلومة ثابتة بمخك, و إذا كان عندك سؤال أو إشي مش فاهماه ..اسألي صحباتك أو الأبلة أو أي حدا بيفهم.

2- اتغذي منيح... و ما تعلمي رجيم بأيام الامتحانات <<< فاهمة ايموزلتي

3- حاولي قد ما تقدري تنامي 8 ساعات ع الأقل عشان يضل مخك مصحصح
و يفضل تاخدي قيلولة قبل الدراسة.

ملاحظة : ادرسي بالليل قبل تنامي, يعني أول ما تخلصي دراسة, نامي على طول عشان اضل المعلومات بمخك, بعدين أول ما تصحي... صلي الفجر و اقرئي الأذكار و طبعا بتكوني مفطرة..... راجعي اللي درستيه.

4- لا تنسي أن تصلي الصلوات في وقتها و أن تقرئي القرآن الكريم يوميا و أن تدعي الله سبحانه و تعالى أن يوفقك في دراستك... 

5- بري والديك... و اطلبي منهم يدعولك دايما, لأنه دعاء الوالدين مستجاب ( سلاحي السري للنجاح )

6- لا تؤجلي عمل اليوم إلى الغد.... يعني لو عليكي تقارير ,مشاريع ,شرح درس,برزنتشين
لا تأجليه.... خلصي كل إشي يوم الجمعة أو السبت عشان تتفرغي للدراسة بأيام الأسبوع العادية.

7- و أخيرا... لازم تعملي استراحة كل ساعتين دراسة , ممكن تستغليها بلعب الرياضة لأنها بتنشط المخ و بتخفف الوزن و بتحسن المزاج أوممكن تعملي أي إشي مفيد


8- صح قبل ما انسى.... اشي رح يساعدك كتيير , قبل الدراسة ادعي :
اللهم إني أسألك فهم النبيين و حفظ المرسلين و الملائكة المقربين
اللهم اجعل السنتنا عامرة بذكرك و قلوبنا بخشيتك إنك على كل شيء قدير
و حسبنا الله و نعم الوكيل
-عنجد هاد سلاحي الفتاااك  للنجاح و التفوق كمان-


و لما تستلمي الورقة الامتحانية هدي نفسك و ما تخافي , و اقرئي المعوذات و اتوكلي على الله, و اكتبي كل اللي بتعرفيه..... كوني فيلسوفة زمانك ... عشان ما تخسري
و لو نص درجة....
( لا تندم على شيء فعلته بل اندم على شيء لم تفعله )<< ههه مثل من عندي



و حابة أحكي شغلة..
تأكدي أن الله لا يضيع أجر من أحسن عملا
و ثقي بقدراتك......فأنت أذكى مما تتصورين


  • Digg
  • Del.icio.us
  • StumbleUpon
  • Reddit
  • RSS

7 التعليقات:

ĒMǿẐiLLA ŧě يقول...

تسلـــمي سيمو على هلــ نصائح اللي بتفيدنا كتيير بدراســـتنا ...
بس انشاء الله تجيب نتاااائج ...^_^

Maya Rashid يقول...

ان شاء الله يا رب... أهم شي أنه لازم يكون عنا ثقة بأنفسنا و بقدراتنا ... تسلمي إيمز ع التعليق...


وين باقي الشلة ؟؟؟؟؟ انا كاتبة الموضوع لمين ؟؟!!!

أيووووش يقول...

عنجد شكرا كتييير سيموتي من هلأ رح أسوي اللي كتبتي ... و أنا بعرف بعض الوصفات السرية لإنك بتأوليلنا اياها ..ههه.. شكراكتيير

Maya Rashid يقول...

ههه , تسلمي أيوووش .. كتير مبسوطة انك علقتي عة الموضوع و ان شاء الله بتكوني استفدتي ^_^

Rawand Rawandoo يقول...

الكلام اللي مكتوب صحيح 100% و ان شاء الله ربنا بوفقك يا سيمو على طول و تدخلي الجامعة :))))

Maya Rashid يقول...

تسلمي روند..عنجد انا بنبسط كتير لما تكتبي تعلقيك و انتي بتشجعيني أكتر :) شكرا إلك و بتمنى ما تحرمينا طلتك الحلوة ....مع حبي و احترامي

shosho al3asal يقول...

أنا معك سيمو
كلامك صح مية بالمية ولا فراخ الجمعية هههههههههه
اهم اشي انو نكون واثقين من نفسنا وواثقين انو الله حيساعدنا وينجحنا

إرسال تعليق