RSS

أهلا و سهلا فيكم في مدونتنا اللي حتكون زي دفتر يومياتنا ... إحنا و بس طبعا .. أنا سيمو و أمولي و أيووش و إيموز و شوشو و ضوضو و ندوش و هيفو و أراوي و سمووور.... بتمنى تستمتعوا معنا و تقضوا أحلى الأوقات

تعريف عن نفسي.. أنا سيمو



مرحبا مرة تانية... شكلكو مليتو مني من كتر ما حكيت... بس عادي ^_^
هلأ صار الوقت إنه أعرفلكم عن نفسي..رح أحكيلكم بكل بساطة..

أنا سيمو من مواليد 26-6-1994 , عندي هوايات كتيرة ما بتنعد..
الصراحة ما بعرف إيش بحب بالزبط .. يعني.. على حسب مزاجي, بس أكتر شي بحبه ,
 القراءة و كتابة القصص و الروايات و اليوميات.. و أي إشي بخص الكتابة..
و بحب كمان التصوير و صناعة الأفلام

اهتماماتي :

اهتماماتي كتيرة .. بحب أطلع مع صحباتي و أضيع وقتي معهم,
بحب أقعد عالنت ( منتديات-مدونات- فيديوهات – المسن إلخ) و كمان إلي
 اهتمامات في التلفزيون و الأفلام خصوصا الأميركية و الآسيوية و الموضة
 زي كل بنت في العالم.. و بحب كمان حل الألغاز و
 الشغلات اللي بدها تفكير و بحب ألعب رياضة ^_^.

شخصيتي زي ما بشوفها أنا:

اممم.. لو بدي أوصف حالي ممكن أحكي متقلبة المزاج, كمان بحب أساعد الناس ..
باخد كل إشي ببساطة و ما بعقد الأمور ,
 بعمل اللي بدي إياه و ما بهمني حدا , ما بحب أعتمد على غيري أبدا.. على نفسي و بس....


مبدئي في الحياة : اعملي كما لو أنه من المستحيل أن تفشلي- طنش تعش تنتعش ^_^

حابة أصير في المستقبل إن شاء الله : 
احكيلكووو سر..... هالفقرة جددتها أكتر من عشر مرات!!!
كل مرة بفكر بشغلة.......المرة الأولى كتبت مهندسة معمارية
بعدين بالاعلام... بعدين مهندسة ديكور..... إلخ....


المهم رح أحكي باختصار..
انا لسه مش عارفة ايش حصير بالمستقبل.. بس اللي بهمني
انه أكون شخصية مفيدة للوطن... و حابة اخدم بلدي فلسطين...
و بدي يكون إلي دور كبير في تطور البلدان العربية و الاسلامية..من
كل النواحي.. الفكرية.. الثقافية....الدينية.. إلخ




اممممم بفكر... ادخل التخصصات الجديدة.... لأنها نادرة و يمكن ألاقي
شغل بسرعة...طبعا زي ما بتعرفوا.. رح كون كاتبة في نفس الوقت
بإذن الله تعالى



شغلاتي المفضلة :

الألوان : التوتي ( أحمر غامق شوي )– الأخضر الليموني و الأزرق الفاقع << زي اللي بعلم فرنسا

أفلام حبيتها : wild child- new york in a minute – she is the man – hide and seek – the grudge – the baby and me – the devil wears parget -  Oliver twist   - التحقيق في أربعين دقيقة

مسلسلات حبيتها : you’re beautiful – boys over flowers – fantasy couple – my girl – drake and josh – that so raven – sweet spy – just Jordan-     - سنوات الضياع – دموع الورد – جميل و هناء – أغاني الشتاء – أبو جانتي

كيف التقيت بالشلة ؟+ تاريخ شلتنا :

التقيت بالشلة لما كنت بالصف السادس – من هالوقت اتكونت الشلة – كنت مع أيوش و ضوضو
 و هيفو و كان في بنات غيرهم بس ما ضلو معنا, كنا بنحكي مع بعض كتيير فضربنا صحبة..
بعدين أمولي كانت الشريرة .. كانت بتضربنا و بتقرصنا هههه
 و احنا كنا بنشرد منها, بالله قديش قرصاتها بتوجع !!
 بس الصراحة اشتئتلها كتييير ^_^
و صرنا نلعب مع بعض كتيير , الواوي و دراكولا.. و أهم شي الجاسوسات...هههههه

الصراحة كنت كتير مبسوطة إني مع هالشلة’ يعني أنا كنت من
 الأعضاء المخضرمين فيها.. الختايرة يعني
بعدين انضمت شوشو العسل لما كنا بالصف السابع
 و ندووش بالتاسع, أراوي بالعاشر و إيموزلتي بالحادي عشر 
يعني هاي السنة, بس تركتنا أمولي و راحت للأردن... بس لساتها في الئلب
 و بنحس بوجودها و ما نسيناها أبدا.



رأيي عن كل وحدة بالتفصيل الممل :





أيووش : ممكن نحكي إنها العاقلة الرزينة بيناتنا ..
 دائما بتهتم إنه ما في شي بشوه شخصيتها أو صورتها قدام الناس, 
و هي مرحة و حبابة كتير و عصبية كمان ...
 أحلى شي لمًا تسكت بنات الصف ههههههه
بس إزا وقعت بمشكلة بحس إنه الدنيا بتسكر بوجهها
و بنشوف دموعها , بس هي قوية لأنها بترجع زي ما كانت بسرعة و بتتعلم من أخطاءها.. و بتصححها.
بحس إنها بتنتقد الناس كتير و فيها شوية غيرة.. بس من نوع كويس و هاد هو المطلوب.


أيووش.. انتي بنت كتير مميزة و بتعجبيني , و بتمنى اضلي زي ما انتي و ما تتغيري ^_^


ضوضو : الحكيمة بيناتنا , بحس إنه إلها معارف كتير و مرت بتجارب كتير
 و إنها أكتر وحدة بتفهم بالحياة , و هي كتيير كتير جدية خصوصا لما
 يكون الموضوع عن الدراسة , بحس إنه حيكون إلك مستقبل ممتاز ان شاء الله تعالى
و أحلى شي إنها بتنكد علينا هههه بنكون احنا بنلعب أو نحكي بموضوع
 حلوو و مبسوطين .. فجأة بطلعلنا شغل أو تقرير لازم نخلصه هههه

و كمان بتسسسسرح كتيير .. مش عارفة بشو بتفكر..
ههههه بنحكي معها و بنحس إنها بعالم تاني , و بطيييييييييئة بكل إشي بالحكي و الحركة ههه ^_^
 نعووووومة ع الآخر ...

ضوضو .. بعجبني أسلوبك و صراحتك كمان , و بتمنى دايما تزكرينا لما نغلط أو ننس شغلة ... 


هيفوو: الوجه الضاحك.. أم النكت
بتعجبني تعليقاتها و أسلوبها و خفة دمها ..كتييير كتيير ,
 طيبة زيادة عن اللزوم و بحسها بتحب كل الناس حتى لو أذوها للأسف,
ما بتحب تتمش , دايما لما نتمشى بتعترض علينا .....

 أحلى شي فيها إنها زي الأطفال, بريئة و زي العسل.


إيموزلتي : هههه المراهقة عنجد.. بتحب كل اشي تاعون الـ Teens ,
 استايلها بيعجبني كتير و متهووورة عالآخر, تعاملها مع الناس نفس
 الإشي سواء كان كبير و لا صغير ههه ما 
عندها إشي اسمه رسميات ,بتعيط بسرعة هاد أول
ما عرفتها بس الحين من زمااان ما شفتها بتعيط.. كويس !! ,
 بحب أكون معها , أمورة عالآخر و ما في متلها في العالم
 كله, بس بحسها بتعقد الأمور أحيانا ..
خصوصا بالرياضيات .. ههه بحب أشرحلها و بضحكني أسئلتها,
 أفكارة حلوة و انا مبسوطة اني تعرفت عليها و بتمنى نضل مع بعض على طول


أراوي : ممكن أسميها ... Miss Romantic  الآنسة الرومانسية ...
بتحب الأشياء الحمرا و الشعر و القلوووب ..
 و مشاعرها جيااااشة ههه زي ما بتحكي إيموز..
 انسانة عاطفية جدا, خفيفة الدم و ضحوكة...
 و أكتر شي هههه.. كسلااانة تعمل شي, و دايما بتقعد تحكي
 سيرة حياتها ههه بالتفصيل الممل .... و هي اللي بتقعد جمبي بالحصة ...

 روابي ههه كتير حبيتك و بتمنى نضل صحبات دايما.... 

ندووش: ندووش الأجمل روحا بيننا...
 كتير بحبها خصوصا انها مبتسمة على طول, طيبة كتير و مستمعة جيدة


بحب أحكيلها كل اللي جوّاتي و برتاحلها كتير.. إنسانة كتير نقية و زكية
أحيانا بحس إنها على نياتها... و ممكن الناس يضحكوا عليها .. عشان هيك
بتمنى طيبتك ما تعطيها لحد إلا للي بيستحقوها....


ندووش... انا واقعة بحب ابتسامتك فما بدي
 اياها تختفي من وجهك.. الله يحميكي و يحفظك من كل شر...

شوشو العسل: شوشو أكتر وحدة اجتماعية بيناتنا ..
 و عندها أخبار الدنيا كلها هههه, حتى لو كان الخبر من الصين
 بتجيبوا لعنا...كتير أمورة و بتحكي كتييير و بسررررعة

 و بتعرف تتعامل مع كافة أنواع الناس ..شاطرة يعني و وفية كتير لصحباتها.......
امممم ... بس اللي ما بحبه فيها ...
 بتحكي عن الناس كتيير هههه و عندها سرعة بديهة لا تصدق !!
 ماشاء الله عليها و بحس انها فلسطينية عنجد..
بتعرف كل عوائل فلسطين و عاداتهم و التقاليد و الأكلات..
 و هاي الشغلات و أخيرا.......

شوشو بحبها كتير و ما في زيها و الله لا يحرمنا منها
 و ان شاء الله نضل صحبات طول العمر






رأيك بالشلة :

شلة بس إحنا .. ما حدش عمل زيها, كلياتنا بنكمل بعض تماما متل ما حكت شوشو ..
 بحس إنه إحنا أكتر من خوات , بنهتم لبعض كتير و بنحب بعض كتيييييير ما في شي
 حيفرقنا ان شاء الله تعالى – بسم الله ما شاء الله اللهم لا حسد – و الشيء المشترك بيناتنا ...
ههههه انه بنحب الحفلات كتيير خصوصا حفلات الشبس..

باختصار .. إحنا صديقات بمعنى الكلمة.. 
تجمعنا رابطة الأخوة و المحبة , و الله لا يفرقنا عن بعض .. أبدا ما
 بقدر أتخيل حياتي بدونكم .. أبدا أبدا

  • Digg
  • Del.icio.us
  • StumbleUpon
  • Reddit
  • RSS

4 التعليقات:

ĒMǿẐiLLA ŧě يقول...

هههه ..فضحتينااااا !!!
بعدين انا متهوررررررررة o_0 !!
و أنا مبســـوطة اكتر انو تعرفت على احلى سيمووو !! بس المشكلة إنو بتقلدني ...!!!

غير معرف يقول...

مــآآ أروعــكِ يا سيمو ...

لطافتك وحرفُ خجلك البريء ...

جميعُهـآ تُكونُ من ذآآتك اُنثـى لطيفه مُهذبه

أستمتعتُ بوجودي هُنـآ

طابَ مساؤك ...

Maya Rashid يقول...

ههههههه.... آه متهورة يا ست مرتديلا ههه...
و انا مبسوطة أكتر إيموزلتي اني تعرفت على بنت زيك ^_^.... بالنسبة للتقليد... بكون صدفة لأنه بنفكر نفس التفكير .. ايش بدك أكتر من هيك يعني ههه..

أحلى شي لما قلدتيني باللبس.. لما رحنا لبيت أيووش ههه أنا و اياكي لبسنا نفس اللون... صدفة طبعا ههه

Maya Rashid يقول...

حلم السماء.... أهلا و سهلا بك في مدونتنا, سعدك لإطراءك و عذب كلماتك الذي جعل قلبي يرقص فرحا... ^_^ كم أنا سعيدة بوجودك.... أتمنى أن لا تحرمينا تواجدك معنا

إرسال تعليق