RSS

أهلا و سهلا فيكم في مدونتنا اللي حتكون زي دفتر يومياتنا ... إحنا و بس طبعا .. أنا سيمو و أمولي و أيووش و إيموز و شوشو و ضوضو و ندوش و هيفو و أراوي و سمووور.... بتمنى تستمتعوا معنا و تقضوا أحلى الأوقات

رحلة .. إلى مدرسة البنات في الشارقة

رحنا يوم الثلاثاء 26-4-2011 م
لرحلة في غاية الروعة, حلوة كتييييييييير و أحلى شي فيها
إنها أعطتنا دافع قوي للمستقبل......!!


المهم, بلا مقدمات....
ركبنا الباص بعد طوول انتظار
- مش كل الشلة راحت, بس بنات صفنا و صف أدبي -
و قعدنا بالباص مفعصين متل ما حكيتلكو قبل, عشان بنات ادبي
كتار هههه, بس عنجد همّا كتير
حبابات و انا بحبهم, عشان ما تفكروني بغلط عليهم و لا شي.... 
و بينتاهم صحباتي اللي بعزهم
كتير على قلبي..متل تهووني و خوخة و ورد جوري و يان << هدول صحباتي اللي بأدبي اللي طلعوا معنا للرحلة


طيب يا حلوين.... نكمل....
أول ما دخلنا هديك المدرسة , كانت كتييير حلوة
و كبيرة و تصميمها غريب و بناتها زي العسل
أمورات و طيبات  .... ^_^


بس أول ما دخلنا .... حبسونا في المقصف مش البنات.. الأبلوات!!!! 
هههههه تفكروش المقصف صغير...
قد صفين و نص عنا , وقعدنا هناك تقريبا ربع ساعة, و جمعنا كمن كرسي و قعدنا عليهم و كان الجوحر شوي...مش عارفة ايش السبب... بس يمكن عشان التحضيرات 
الله أعلم........ بس عادي.. تسلينا شوي بهالقعدة


و تصورنا, و ان شاء الله رح تعمللنا - التميز طموحي - فلم عن الأيام اللي عشناها مع بنات الصف... و رح تعرضلنا اياه بآخر السنة ان شاء الله تعالى
امممم... بحس انه هاي السنة حلوة كتيرمن ناحية الدراسة و الصحبة و بنات الصف
يعني مش زي السنوات اللي عشتها قبل.....


المهم... فكوا أسرنا و طلعنا من المقصف الصخم..
و رحنا نستكشف المدرسة , و كانت في بنت كيوت و أمورة ’ صارت تدلنا زي كأنها
المرشدة السياحية تبعتنا ..... عجبتني كتير هالبنت.. ما شاء الله عليها ^_^
و اكتشفنا انها اصغر منا.... بصف عاشر يعني


و أخيرا وصلنا للقاعة اللي حكولنا إنها حتكون معرض للكتاب..
بس طلعت غير هيك تماما .... أحلى بكتيييييير...


كانوا عاملين ارشاد اكاديمي بساعدنا عشان نحتار تخصصنا المناسب فالجامعة
و قسموا القاعة لأقسام كتير, و اكتر شي لفت انتباهنا قسم الطب, و تصميم الأزياء و الديكور 
و الطيران و الاعلام و القانون و كمان كان فيه الهندسة المعمارية و ادارة الأعمال
باختصار ..كل إشي..
بس يا حرام.....قسم التدريس... كان فاضي تماما !!! الله يستر كيف
حتصير المدارس بالمستقبل....=(

المهم, قدرت أعرف فصيلة دمي و شفت الوزن المثالي و كان فيه اختبار للضغط و السكري
و الأحلى من هيك... شرحوا القلب و الكبد قدامنا... ( كل هاد بقسم الطب )
و كل اللي في القاعة’ بنات قدنا... بس همّا 
ادربوا و استفادوا .. و علموهم ذوو الاختصاص.,.. و احنا... ههههه
يا دووب نفهم كتبنا و نخلص من امتحاناتنا و مشاريعنا.... للأسف يعني ...


و لفينا على كل قسم... و جعنا كتيبات و اكياس و سيديهات..
عشان نقرأهم و نشوفهم فالبيت...و تعرفنا ع التخصصات و الجامعات ....


كانت رحلة لا تعوض ..تعرفنا فيها على شغلات كتيرة و استفدنا كتير
و ان شاء الله بس ندخل توجيهي حيودونا رحلة للجامعة عشان نتعرف ع الحياة
الجامعية أكتر....... و نفسي تكون جامعة الشارقة
لأنه هاي الجامعة عجبتني كتير و ناوية أدخلها..... 
و الحمدلله عرفت ايش اختار من التخصصات اللي حدخلها بالجامعة.. بس مش ححكيلكم ايش هو...^_^




و هاد اللي صار معنا........... بشوفكم المرة الجاية
كانت معكم...... Seemo

  • Digg
  • Del.icio.us
  • StumbleUpon
  • Reddit
  • RSS

2 التعليقات:

ĒMǿẐiLLA ŧě يقول...

والله كان يوم روووووووووعة قدرت اعرف كتييير اشياء عن مستقبلي ... وانشاء الله تنعااااااد !!

Seemo يقول...

ان شاء الله يا رب... تنعاد علينا الفرحة دايما...
فعلا... هاي الرحلة خلتنا كلياتنا طموحات و حطلتنا هدف بعيوننا و كلياتنا ناويين نحققها ان شاء الله

إرسال تعليق